ТӨСЛИЙН ЗОРИЛГО
Манай улсын хүнсний үйлдвэрлэлийн салбар бараг бүхэлдээ импортын хамааралтай байгаа бөгөөд жилдээ 1 тэрбум ам долларын хүнсний бараа гадаад зах зээлээс импортлон авч байна.
ХҮНСНИЙ ХУВЬСАЛ
2022 онд МУ-ын Ерөнхийлөгчийн санаачилгаар “Хүнсний хувьсгал” үндэсний хөдөлгөөн УИХ, Засгийн газрын тогтоолоор батлагдан ойрын 4 жилд 1,7 их наяд төгрөгний хөнгөлөлттэй зээл, хүүний дэмжлэг, бодлогын дэмжлэг олгохоор болон хэрэгжиж эхлээд байна. Гэхдээ уг хөтөлбөр нь мөн уламжлалт санхүүжилтийн арга зүйгээр буюу арилжааны банкуудаар дамжуулан олгогдох зохицуулалттай байгаа нь мөн л жижиг гарааны үйлдвэрлэл эрхлэгч нарыг шугамны гадна үлдээж байна. Тиймээс гарааны жижиг үйлдвэрлэл эрхлэгч нарт зориулсан шийдэл шаардлагатай байсаар байна.
ШИЙДЭЛ & ЗАГВАР ТӨСӨЛ:
1. Энэхүү төслөөр дээрхи тодорхой асуудлуудад шинжилгээ дүгнэлт хийж учир шалтгаануудыг тодорхойлсны үндсэн дээр иргэд болон гарааны үйлдвэрлэгч нарыг шалгуур хангасан байгууллага болох хүртэлхи зохион байгуулалт, менежемент, санхүүжилтийн цогц шийдлийг боловсруулан “Жишиг загвар төсөл” хэрэгжүүлж сайн туршлагыг бий болгох.
НЭЭЛТТЭЙ ЭХ:
Уг ашигтай шийдэл, сайн туршлагыг нийгэмд нээлттэйгээр хүргэж дараагийн гарааны болон жижиг үйлдвэрлэгчид үйл ажиллагаандаа нэвтрүүлэх эх төсөл, ашигтай шийдэл болох зорилтыг дэвшүүлэн хэрэгжүүлж байна.
