Мета Фүүд Эй Ви Си ХХК нь Тахиа махны үйлдвэрлэлийн кластер төслийг Бизнес түншлэл & Технологийн франзайчинг моделиор хэрэгжүүлж байна. Энэхүү модель нь өндөр технологи шаардсан өндөг, дэгдээхэй үйлдвэрлэл, хангамж болон нядалгаа боловсруулалт, борлуулалтыг хувийн хөрөнгө оруулалтаар байгуулж харин иргэн суурьтай хоршоод дэгдээхэй бойжуулах фермийн үйл ажиллагааг эрхлэн явуулах хамтын бизнес түншлэлийн загвар юм. Хамтын бизнес түншлэлийн үйл ажиллагаа нь хөгжингүй орнуудын хүнс, хөдөө аж ахуйн үйлдвэрлэлийн сонгодог загвар бөгөөд тэгш хүртээмжтэй, харилцан үр ашигтай бизнесийн үр өгөөжтэй загвар юм. Хувийн хөрөнгө оруулалттай компани иргэд хоршоодод үйлдвэрлэлийн бэлтгэн нийлүүлэлт, буцаан худалдан авалтыг хийснээрээ эдийн засгийн тойргийг үүсгэх бөгөөд энэ нь иргэдийг санхүүгийн болон технологийн эрсдэлгүй найдвартай нэмүү өртгийн сүлжээний оролцогч болгож, төрөл бүрийн зээл санхүүжилтэнд хамрагдах нөхцөлийг бүрэн хангаж өгнө. Цаашид тахиа мах төслийн хүрээнд бий боломжуудад тулгуурлан Бизнес түншлэл & Технологийн франзайчинг моделиор тахиа мах үйлдвэрлэлийг тэжээлийн хэрэгцээг хангах тариаланчдын хоршоо, тахиа махны сангас бордоонд суурилсан хүлэмж нарийн ногоо үйлдвэрлэгчдийн хоршоо, тахиа махны дайвар бүтээгдэхүүнд суурилсан гахай мах үйлдвэрлэлийн хоршоо, тахиа мах борлуулалтын сүлжээг дээрхи хоршоодын борлуулалтанд давхар нийцүүлэн ашиглаж жижиг дунд үйлдвэрлэгчдийн зах зээлийн гарц боломжуудыг нэмэгдүүлэх төслүүдийг хэрэгжүүлэхээр төлөвлөж байна. Мета Фүүд Эи Ви Си ХХК нь төслийг үндэсний өндөг үйлдвэрлэгч, тэжээл үйлдвэрлэгч болон мах боловсруулах үйлдвэрлэл, тээвэр ложистик, борлуулалт түгээлтийн компаниудын оролцоотойгоор хэрэгжүүлэх бөгөөд үндэсний компаниудын оролцоотойгоор ирэх 5 жилд дотоодын тахианы махны хэрэгцээг бүрэн хангах зорилттой.