“Мета Фүүд Эй Ви Си” ХХК нь Тахиа махны үйлдвэрлэлийн кластер төслийг “Бизнес түншлэл & Технологийн франзайчинг” моделиор хэрэгжүүлж байна. Энэхүү модель нь өндөр технологийн төслийг хувийн хөрөнгө оруулалтаар байгуулж, иргэн суурьтай хоршоод фермийн үйл ажиллагааг эрхлэн явуулах бизнес түншлэлийн загвар юм.
Түүнчлэн тахиа мах төслийн хүрээнд бий болох боломжуудад тулгуурлан “Бизнес түншлэл & Технологийн франзайчинг” моделиор:
Өндөглөгч тахиан эх сүргийн аж ахуй
Тахиа мах үйлдвэрлэлийн хоршоо
Тэжээлийн хэрэгцээг хангах тариаланчдын хоршоо
Тахиа махны сангас бордоонд суурилсан хүлэмж нарийн ногоо үйлдвэрлэгчдийн хоршоо
Тахиа махны дайвар бүтээгдэхүүнд суурилсан гахай мах үйлдвэрлэлийн хоршоо
Тахиа мах борлуулалтын сүлжээ
Тээвэр логистикийн сүлжээ зэргийг давхар нийцүүлэн, жижиг дунд үйлдвэрлэгчдийн зах зээлийн гарц боломжуудыг нэмэгдүүлэх төслүүдийг хэрэгжүүлэхээр төлөвлөж байна.
“Мета Фүүд Эй Ви Си” ХХК нь төслийг үндэсний компаниудын оролцоотойгоор хэрэгжүүлэх бөгөөд ирэх 5 жилд дотоодын тахианы махны хэрэгцээг бүрэн хангах зорилттой.
