Мэдээ, Мэдээлэл

ЖДҮ, Хоршоолол, Компани Өрсөлдөх чадамж:

ХАА анхдагч салбарт Компани үйлдвэрлэлийн эцсийн үр дүнг хувь нэгжээс хэд дахин давуугаар бий болгох чадамжтай ч хүний нөөцийн тогтвор суурьшилаас шалтгаалан бүтээмж, эцсийн бүтээгдэхүүний гарц, үр ашиг буурч, өртөг өснө.

Хоршоолон ажилласанаар иргэд яг компаний орчинд бий болдог үр дүнг бий болгох бүх чадамжуудыг эзэмших боломжтой. Ийм ч учраас зах зээлийн эдийн засагтай хөгжингүй бүх орнуудын ХАА салбар хоршоогоор ажиллаж байна. Дэлхий дахинд 10 хүн тутмын 1 нь хоршоонд ажиллаж, хамгийн том 300 хоршоодын хоршоо дангаараа 2,409,41 тэрбум ам долларын орлого олж байна. 

Дээрхи зүй тогтол нь ХАА эдийн ЖДҮ, хоршооллийн үүрэг оролцоо, хэрэгцээ шаардлагыг тодорхойлж байна.

Хоршоо Бэрхшээл:

Манай улс “хоршоо” -г хамтын бүтээмжийн үр ашигтай гэдгийг тодорхойлж чадсан боловч агуулга зохион байгуулалтын зөв гүйцэтгээгүйгээс бодит утгаараа хөгжиж чадахгүй байна. МУ ын хэмжээнд өнгөрсөн 20 жилийн хугацаанд 17,000 хоршоо байгуулагдсан боловч бодит үйл ажиллагаатай хоршоо дөнгөж 10% байна.

Манай улсын хувьд хоршоолол амжилттай оршин тогтнохын тулд түүнд кластер, мөн экосистем шаардлагатай бөгөөд энэхүү хоршооны экосистемийг бүрдүүлэхгүйгээр иргэдийг дангаар нь хоршоололжуулаад байвал үр дүнгүй. 

Эдгээр элементүүд хоорондоо нягт уялдаатай ажиллаж, хоршоо нь амжилттай оршин тогтнох боломжийг бүрдүүлэх боломжтой. Хоршоо нь ХАА н түүхий эд үйлдвэрлэл салбарт дангаараа ажиллах болон компаниар ажиллахаас илүү давуу талтай ч түүний хүний нөөц нь бага мэргэшилтэй, орон нутагт тархан байршсан онцлогоос хамааран амжилттай оршин тогтноход зайлшгүй ЭКО Систем шаардана. 

Ногоон санхүүжилтийн боломж:

НҮБ ийн Тогтвортой хөгжлийн зорилт нь Хүн ба байгаль орчинд чиглэсэн бодлого бүхий 17 бүлэгтэй бөгөөд, түүнийг амжилттай хэрэгжүүлэх зорилгоор санхүүгийн өргөн хүрээний дэмжлэгийг шууд болон тухайн орны засгийн газар, санхүүгийн институциар дамжуулан санхүүжүүлдэг.

ХАА салбарын жижиг дунд үйлдвэрлэлийг хөгжүүлэх, тэр дундаа ажилгүйдлийг арилгах нь тогтвортой хөгжлийн 17 зорилтын 10 ийг бүрэн дүүрэн хангаж буй учраас уг салбарт маш өргөн хүрээний санхүүгийн нөөц байгаа юм.

Манай хөтөлбөр ба хөтөлбөрийн хүрээнд хэрэгжүүлэх төслүүдийн үндсэн зорилтот бүлэг нь иргэд ба байгаль орчин учраас ногоон санхүүжилтийн зорилт, шаардлагууддтай бүрэн нийцэж байна.

Ногоон санхүүжилтийн шаардлага:

Ногоон эх үүсвэр нь санхүүгийн дэд бүтцийн орчноор дамжин олгогдохдоо барьцаа хөрөнгийн болон үйл ажиллагааны найдвартай байдлаа орчноо хангаж чадсан нөхцөлд гарааны санхүүжилтийг олгодог.

Төслийн Шийдэл:

Нэмүү өртгийн сүлжээ байгуулах, түүний ач холбогдлоор ЖДҮ санхүүжилт татан төвлөрүүлэх боломж:

Санхүүжилтийн үндсэн шаардлага нь санхүүгийн үйл ажиллагааны найдвартай байдал байдаг. Хэрэв ЖДҮ дангаараа зээл санхүүжилт авах бол түүнд бүх төрлийн ачаалал оногддог. Үүнд түүхий эд материалаа бэлтгэн хангах, үйлдвэрлэх, боловсруулах, борлуулах гэх мэт бүх шатны үйл ажиллагааны мөнгөн урсгалын процесс зөвхөн тухайн нэгж үйлдвэрлэгчийн хүрээнд явагддаг учраас эрсдэл өндөртэй. Харин кластерийн санхүүжилт нь өөр нөхцөл байдлыг бүрдүүлдэг.

1.Кластер оролцогчоор “мөнгөн урсгал дамжихгүй” бөгөөд, зөвхөн бараа бүтээгдэхүүний урсгал явагдана.

2.Кластер оролцогчидийн хэлхээний эхлэл болон төгсгөлд ажиллагааг, технологи, менежмент нь төлөвшсөн компаниуд үйл ажиллагааг явуулах учраас санхүүгийн найдвартай байдлыг хангана.

Шийдэл:

ХАА салбарын “ЖДҮ ийн кластер болох хоршоог” хэрэв найдвартай “үйлдвэрлэлийн кластер” сүлжээнд байршуулж орчныг нь бүрдүүлж чадвал Банк, Ногоон санхүүжүүлэгчид шууд санхүүжилт хийх орчин бүрдэнэ.

Төслийн шийдэл нь хамтын бүтээмж, өрсөлдөх чадвар, нэгдсэн сервис бүхий хоршоодын кластерийг үүсгэж тэдгээрийн менежмент, бизнес хөгжлийг зөвлөн чиглүүлэх бөгөөд ингэснээр нэмүү өртгийн сүлжээ бүхий технологид суурилсан үндэсний үйлдвэрлэгчдийг дэмжих явдал юм. Үүний гол агуулга болох санхүү, хөрөнгө оруулалтын эх үүсвэрийг шийдэх, түүнийг системчлэн хэрэгжүүлэх үйл ажиллагааг зохион байгуулна.