Жижиг дунд үйлдвэрлэгчид нэгдэж хоршин ажиллах нь анхан шатны хамтын ажиллагааны хэлхээг байгуулж байгаа хэрэг юм. Гэвч энэхүү хамтын ажиллагааны хэлхээ нь зах зээлийн бусад хэлхээнд амжилттай холбогдох шаардлагатай.
Үйлдвэрлэгчийн үйлдвэрлэсэн бүтээгдэхүүн нь зах зээлд бэлтгэн нийлүүлэгчээс эхлээд жижиглэн худалдаа хүртлээ олон үе шат, оролцогчид дамжин явагддаг бөгөөд энэхүү хэлхээг НЭМҮҮ ӨРТГИЙН СҮЛЖЭЭ гэдэг.
Зөвхөн тахианы махны тухайд манай улс 46 сая ам доллар буюу 200 гаруй тэрбум ₮ ийн импортын хэрэглээтэй байдаг. Тахианы мах үйлдвэрлэлийг дотоодод байгуулахад эх сүрэг, өндөг хангамжаас эхлээд эцсийн хэрэглэгчийн гар дээр хүртлээ энэхүү 200 гаруй тэрбум ₮ нь 5 – 6 удаа салбар бүрийн оролцогчдоор дамжин цалин, тээвэр, борлуулалт, боловсруулалт, ашиглалт үйлчилгээний эдийн засгийн эргэлт үүсгэж 1000 тэрбум ₮ ийн НЭМҮҮ ӨРТГИЙН СҮЛЖЭЭ бий болгоно.
Иймээс эх орондоо үйлдвэрлэлийн үе шатыг байгуулах нь зөвхөн импортын барааны үнийн дүнгийн хэмжээгээр бус түүнээс 5 – 6 дахин өргөн цар хүрээтэй НЭМҮҮ ӨРТГИЙН СҮЛЖЭЭ, Эдийн засгийн цусан хангамжийг бий болгох чухал ач холбогдолтой юм.
Тахиа махны импорт 2030 онд 370 тэрбум ₮ хүрнэ.
2018 онд 11 мянган тонн тахиа махыг 21 сая ам доллараар импортоор авч байсан бол 2024 онд 51 сая ам доллараар 30 мянган тонн мах импортоо авсан байна. Импортын хэрэглээ 2030 онд 100 сая ам долларт хүрэх төлөвтэй байна.
